Música Galega Tradicional,Folk e de verbena do 2017

Tes ganas de música galega…?

Pois estás de sorte….!

Aquí tes cinco discos que foron estreados neste ano 2017.

A que esperas… veña dalle o play…!

1#. NON ME TOQUES A SAIA de Xestreu

O grupo Xestreu, hoxe está formado por cinco rapazas, pero nos seus inicios eran nove amigas e compañeiras que se xuntaban para cantar e pasalo ben.

Algunhas delas viñan de estar no Colectivo Castro Floxo e xa tiñan participado en recollidas polos pobos e coñecían a música tradicional ben de preto.

O grupo foi cambiando co tempo pero o  que sempre tiveron claro é que lles gustaba interpretar a música tradicional … pero non só a galega…

A música tradicional é a alma dos pobos e elas quixeron profundizar nesa alma.

Unha boa mostra diso é este traballo Non me toques a Saia onde podemos facer unha viaxe polas músicas tradicionais de Ucraína, Macedonía,O Magreb, México, Portugal. Tamén hai unha mostra da música Serfardí e como non… da Galega.

Ó disco tamén vai asociada a unha campaña de sensibilización social contra o maltrato ás mulleres.

Así que xa sabedes… Que non vos toquen a saia…..!

Os temas do disco Non me toques a saia:

1. Trenza (Tradicional Galicia.Taboadela)
2. Mulatinhas (Tradicional Portugal. Alentejo)
3. Pandeiro (Tradicional Galicia, A Coruña)
4. El Taconazo (Tradicional de México)
5. Adío (Tradicional Sefardí)
6. Aturuxos (Tradicional Galicia, Liñares, Avión)
7. Sto mi e milo (Tradicional Macedonia)
8. Nabina (Tradicional Magreb)
9. O muiño (Tradicional Galicia, Liñares, Avión)
10. Marishko (Tradicional Ucraína)
11. Carolina (Tradicional Galicia)

O grupo Xestreu interpretando a canción Pandeiro.

Quero mercar o disco Non me toques a saia…!

2#.INDOEVINDO de Milesios

No ano 2009, un grupo de amigos que teñen en común o seu interese pola música tradicional galega e a música tradicional irlandesa, xúntanse para formar o grupo Milesios.

No 2013 sacan o seu primeiro disco Alén Mar.

E agora, no 2017 ve a luz Indoevindo que se presenta como un libro-CD. Este novo traballo segue buscando inspiración nas dúas tradicións, na galega e na irlandesa.

No libro podes ver fotos orixinais Daniel Díaz Trigo e o disco é un concerto itinerante que vai entrelazando as músicas coas paisaxes libro.

Os temas do disco Indoevindo:

1. O valado
2. Ás segas a Lugo
3. O Castelo de Pambre
4. Non irei
5. Se me amares
6. Lume vello
7. Lume novo
8. Valse de Ribarteme
9. Grossmutterdobre
10. Polca da Fonsagrada
11. Anceio
12. 12 (Feat. Daniel Díaz Trigo)
13. Ás sete menos cuarto
14. Parada en Forcarei

O grupo Milesios tocando a canción Valse de Ribarteme do seu disco Indoevindo

Quero mercar o disco Indoevindo…!

3#. CANTOS DA IALMA de Xulio Lorenzo

Xulio Lorenzo leva toda a vida no mundo da gaita.

Participou en varios grupos ben recoñecidos da música tradicional galega e tamén funda o seu propio grupo, Xabenga Folk.

Este ano presenta o seu primeiro traballo discográfico, Cantos da Ialma, no que participan e colaboran grandes músicos. 

É un disco elegante. evocador e tranquilo.

Para desfrutar escoitando…!

Os temas do disco Cantos da Ialma:

1. Muiñeira de Mos
2. Bonequiña
3. Cantos da Ialma
4. Brigan Vals
5. No mar heite amar
6. Ostara in Gallaecia
7. Sudades
8. Miña Nai
9. Desexo inesperado
10. Muiñeira de Chisco
11. Alborada Camiño da Rosa
12. A Illa da Bagoas

O videoclip do tema Cantos da Ialma

Quero mercar o disco Cantos da Ialma…!

4#. CELTIS AUSTRALIS de Pancho Álvarez

Pancho Álvarez é un referente da música folk en Galicia.

Formou parte de grupos como Na Lúa, Matto Congrio e Tres.

Dende o ano 95 acompaña a Carlos Núñez nos seus concertos por todo o mundo e tamén en varios dos seus discos.

Leva participado en innumerables proxectos como productor, como colaborador e como arreglista.

E ademáis de todo iso ainda lle da tempo a facer os seus propios discos…! Ata agora tiña catro :

• FLORENCIO, O CEGO DOS VILARES – 1998 (Premio mellor disco folk europeo 1998 pola revista FOLK WORLD).
• NAS CORDAS – 2001
• SÓLIDOS GALICIANOS – 2009
• SONCHE ATLÁNTICO – 2012

E no 2017 chega Celtis Australis,  o seu último traballo en solitario.

O título xoga con dous significados, por unha parte sitúa a Galicia e os galegos como os Celtas do Sur e pola outra fai referencia o nome científico do Lodoeiro.

Os temas do disco Celtis Australis:

1. Nas Túas Mans a Miña Casa
2. Aires De Aquí e De Acolá
3. Mestre Florencio
4. Canto de Berce
5. Rumbas do Sar
6. Illas do Norte
7. Medulio
8. Unha Tregua
9. Baixo o Lodoeiro
10. Danzas do Sur
11. Dos Gregos Aprendín
12. Pasodoble de San Roque
13. Aires de Guimaraes
14. A Miña Viola
15. O Cando
16. Outra mañá
17. The Burren

O tema Outra Mañá do disco Celtis Australis.

Quero mercar o disco Celtis Australis…!

5#. SETE DEZASETE do Sonoro Maxín

O Sonoro Maxín naceu en Ourense fai dez anos.

Dende entón levan animando a xente por toda Galicia e parte do estranxeiro.

No ano 2012 sacaron o seu primeiro disco A onda Sonora, un albúm que é unha mistura de cumbia, ranchera, rock, ballenato, reggae e bolero.

E neste ano estrearon  o seu segundo traballo discográfico co nome de SeteDezasete… que son os días que hai feira en Ourense e ademáis son dous números que non se deixan dividir por ninguén.

Este disco é como unha feira onde podes encontrar de todo…!

A bailar….!

Os temas do disco Setedezasete:

1. Dou mil voltas
2. Se tí quixeses
3. Máquina a vapor
4. Así se constrúe unha bomba
5. O carreiro
6. Outeiro de Montealegre
7. Que ben che queda o bigote
8. Patas arriba
9. O Cataventos
10. Festa da Primavera
11. Onde o Miño vai
12. San Benitiño

O Sonoro Maxín e o seu tema Así se constrúe unha bomba.

 Quero mercar o disco SeteDezasete…!

CÓNTANOS QUE CHE PARECEN ESTES DISCOS DE MÚSICA GALEGA TRADICIONAL, FOLK E DE VERBENA.

Xa escoitaras algún destes discos…?

Cal che gusta máis…?

O teu é a música tradicional…, o folk…, a verbena… ou todas…?

Déixanos nos comentarios as túas respostas.