As veces a música funciona como unha pequena chave que abre recunchos que estaban agochados.
Eso pasoume estes días escoitando as cancións de Fuxan os Ventos. Sentinas … e de súpeto vinme transportado a miña infancia.
E surxiron os recordos…
Don Xosé, a megafonía da igrexa, o coro e aquel pandeiro, Cantareliña e Moisés.
Explícome.
D. Xosé era o cura que tiñamos en Bande. Debeu ser un dos primeiros párrocos en dicir a misa integramente en galego.
Tiña por costume, nos días de festa, por a música de Fuxan os Ventos pola megafonía da igrexa. Así que estiveras onde estiveras escoitabas A Saia da Carolina, Sementar sementarei, O lobo…
Tamén había un grupo de rapaces, entre os que estaban Javier, Moisés, o seu irmán Pepe… que tocaban e cantaban na misa.
Dunha vez Moisés escribiu unhas cancións para que os nenos cantaramos no festival de Cantareliña.
Ensaíabamos no coro da igrexa. Un dos recordos máis presentes que teño é aquel pandeiro cadrado pendurado dunha cordiña verde, que tanto me chamaba a atención e que está unido no meu recordo as cancións de Fuxan os Ventos.
Non foi casualidade entón que o primeiro instrumento que fixen, e que toquei, fora un pandeiro.
FUXAN OS VENTOS
ORIXES
A finais de 1971 o cura Mato de Lugo tivo a idea de xuntar seis rapazas e seis rapaces para formar un coro.
Así que na casa Diocesana de Exercicios ensaiaban e foi alí, no salón de actos, onde tiveron a súa primeira actuación no “Festival de Primavera”.
Mato compuxo unha canción co nome Fuxan os Ventos, coa que gañan o primeiro premio do “III Festival Musical de San Lucas” de Mondoñedo.
Entón deciden cambialo nome de Folk 72 co que se presentaban polo de Fuxan os Ventos.
A ESENCIA DO GRUPO
Os seus comezos nos últmos anos da dictadura, donde o atraso económico e social en Galicia era moi patente, marca dalgún xeito a esencia do grupo.
Fuxan os Ventos é un referente claro de grupo comprometido e nos seus recitais reclaman a liberdade e cantan a dignidade e o orgullo dun pobo.
Son quen de chegar non só a intelectualidade galega, vinculada a canción protesta, se non tamén a Galicia máis rural.
A TEMÁTICA DAS SÚAS LETRAS
Cantan letras propias e de outros escritores que lles ofrecen as súas poesias como Darío Xoán Cabana, Manuel María, Marica Campos…
Tocándo as seguintes temáticas:
#O atraso cultural
#A lingua
#A miseria
#A emigración
#Os problemas da muller
#Os traballos do campo
#Os oficios
#As festas
Estes rapaces que comezan con menos de vinte anos, percorren toda Galicia de aldea en aldea, cantando en palcos improvisados, subidos os carros, en remolques de tractores, nos teleclubes…
A xente sÍntese reflexada co que cantan. Unha vez terminada a actuación oficial mestúranse co público e cantan con eles. Aproveitan eses momentos para facer recollidas de temas tradicionais.
Tamen percorren os escenarios de toda Europa (París, Zurich, Lorient ….)
Ainda que no comenzo, o seu repertorio incluía algunha canción en castelán van se decantando por cantar só en galego.
Os seus primeiros discos grávanos en Madrid coa discográfica Phillips-Fonogram. Esta discográfica non confíaba que un grupo que cantaba en galego tivera moita difusión máis alá da súa terra, así que propóñenlles cantar en castelán. A súa negativa supúxolles unha reducción importante nos roialties que cobraban.
A sorpresa foi. que nese tempo que gravaron con eles, convertéronse nun dos grupos, que xunto con Paco de Lucia, máis discos vendían.
UN ALTO NO CAMIÑO
O grupo acada grande éxito e cada vez lle esixe máis adicación os seus compoñentes.
No ano 1989 deciden baixar o ritmo e adicarse máis as súas familias e traballo.
Naquel periodo o grupo grava un par de discos e fan algunha que outra actuación.
En 2009 reaparecen nos escearios co proxecto Terra de Soños xunto con outros artistas.
Onte, 6 de Maio de 2016, saiu a reedición do disco “Terra de Soños” esta vez editado en formato libro.
Este ano, con motivo do día das Letras Galegas, tamén estrean un tema inédito, acompañado dun videoclip adicado ó poeta Manuel Marías.
DISCOGRAFÍA
#1976 Fuxan os Ventos
#1977 O tequeleteleque
#1978 Galicia canta ó neno
#1978 Sementeira
#1981 Quen a soubera cantar
#1984 Noutrora
#1999 Sempre e máis despois
#2009 Terra de soños
COMPOÑENTES
#Antón Castro, zanfona, mandolina e voz.
#Xose Vázquez, percusión tradicional e voz.
#Pedro Lucas, gaita, frauta e voz
#Xoan L. Fuertes Saavedra, bouzuki, guitarra, violín e voz.
#Carmen Vazquez, voz
#Tereixa Nova, voz
#Maruxa Fociños, voz
#Alfonso Fernández, voz
#Moncho Díaz, voz, guitarra, frauta.
COMENTA
A onde te transporta a tí a música de Fuxan os Ventas?
Coñeces algunha anécdota deles?
Cal é a canción que máis che gusta do grupo?