QUERES un instrumento personalizado?

A música é unha enerxía que te percorre por dentro.

Esa enerxía precísa expresarse, sair fóra..!

E saiche de moitas maneiras… Bailando, cantando, tocando un instrumento musical…

Dalgún xeito o instrumento transfórmase nunha prolongación do teu corpo e permíteche manifestar, através del, o teu sentir.

Se ademáis participas no seu deseño, dándolle un toque único e moi teu, estableces con él un vínculo moi especial.

QUERES un instrumento personalizado?

Hoxe ímosche amosar 10 deseños que nos teñen encargado.

1#. A Pandeireta dos corazóns encarnados

Esta nena tiñao moi claro… branca con corazóns encarnados.

E tamén que fose pequena e moi lixeiriña para que non lle pesara moito, por iso usamos madeira de chopo.

Tamén leva o seu nome no interior.

2#. Pandeireta con folliñas de Pradairo

Nesta estaba claro que tiña que ser de cor.

O final gañou o encarnado!

A madeira escollida foi o bidueiro.

Para o detalle da folla mandáronnos unha mostra de como a querían.

Leva o nome pirograbado no interior.

3#. Pandeireta violeta

Neste caso a cor elexida foi o violeta.

E unhas pequeniñas frores dan o toque especial.

Leva o nome pirograbado.

4#.Pandeireta coas fases da lúa

Esta tiña que ser pequena, lixeira e coas fases da lúa.

A madeira neste caso é cerdeira.

Xa ves que un pequeniño detalle fai que a pandeireta sexa máis persoal.

5#. Pandeiretas co logo do grupo Tanto Nos TEn (TNT)

Pandeiretas coas cores e o logo do grupo TNT.

Unha leva o logo da pandereteira e a otra o logo do tamborileiro.

Son de madeira de cerdeira.

6#.Pandeireta natural

Esta pequena pandeireta é dunha pequena amante da música.

A ela gustoulle a madeira de bidueiro natural con aro escuro.

E como detalle, unhas frorciñas e unha nube e un sol no interior.

7#. Pandeireta escura con estreliñas

Esta tamén é unha pandeireta pequena.

Madeira de Chopo escurecida con nogalina.

A nai da nena leva o seu nome tatuado e fixemos o mesmo deseño na pandeireta.

8#. Pandeireta bicolor

Esta pandeireta é de madeira de bidueiro.

Está escurecida con nogalina na súa parte exterior e o interior e o aro son en cor natural.

A pel tamén está escurecida con nogalina.

Ten un aire antigo!

9#. Un tamboril pequeniño

Este é un tamboril pequeniño para un futuro tamborileiro.

O corpo é encarnado e os aros escurecidos.

Leva grabado o nome e a fecha de nacemento do neno.

10#.Tambor grande

Este é un tambor grande, cunha medida de 30 cm. de diámetro, 20 cm. de altura do corpo.

Está feito cunha lámina de madeira de cerdeira de 7 mm. de grosor e os aros teñen 8 mm. de grosor.

Leva catro bordóns.

Está tratado con aceite de tung. É un aceite natural que lle da un acabado especial á madeira.

QUE CHE PARECE?

Como sentes tí a música?

Bailas, cantas, tocas…?

Gostaríache ter un instrumento personalizado?

Aquí debaixo tes unha caixa onde deixar os teus comentarios.

Guardar