O pandeiro é un instrumento moi primitivo, que consta dun marco de madeira recuberto dunha pel, e que se atopa principalmente no entorno mediterráneo.
En Galicia, nun tempo, debeu estar moi extendido, proba disto é que é o instrumento máis mencionado nas coplas tradicionais.
Antigamente ó pandeiro cadrado chamábaselle adufe, pero este nome foi caendo en desuso e deuselle en chamar pandeiro, tanto ó cadrado como á pandeira redonda.
Co tempo foi desaparecendo ata a penas subsistir nalgún ricón afastado da nosa xeografía.
O pandeiro cadrado é un tambor de marco.
Para facer un pandeiro usamos un marco de madeira de 3 a 7cm. de ancho e entre 35 e 50 cm. de lado. Os cantos do marco redondéanse.
Recóbrese cunha pel rectangular que se dobra sobre o marco e que vai cosida por tres dos seus lados.
No interior o pandeiro pode levar bordóns de corda de tripa, axouxeres , garavanzos…
As beiras do pandeiro adornábanse con fitas cravadas no marco , pompóns e incluso pode levar motivos pintados nas peles.
COMO SE TOCA O PANDEIRO?
O Pandeiro é un instrumento basicamente feminino que se usaba como acompañamento da voz para facer os bailes.
Para tocalo cóllese coa man esquerda por un dos seus lados, o dedo polgar queda pola parte de atrás e os outros catro dedos tocan a pel por diante.
Hai que sostelo casi verticalmente diante do peito e algo inclinado cara a esquerda.
A man dereita bate coa pel facendo os distintos ritmos, semellantes os que tocamos coa pandeireta.
CONSTRÚE UN PANDEIRO CASEIRO
Se tes dúbidas sobre se o pandeiro é o teu instrumento, e queres probar antes de decidirte a mercar un, podes facer un tí mesmo.
O noso primeiro pandeiro fixémolo así, e non soa nada mal!
Precisas madeira para construir un marco cadrado e cinta de embalar para envolver todo o marco con ela.
E xa está…! Xa podes empezar a probar con este pandeiro!
Se descobres que este é o teu instrumento e xa queres un artesano, e feito a media, aquí podes ver os nosos pandeiros.
APRENDE A TOCAR OS DISTINTOS RITMOS
En internet podes atopar algúns recursos que che poden axudar na aprendizaxe deste instrumento:
- ERICK FELES ofrece na súa canle de youtube unha serie de videos mostrandoche distintos xeitos de tocar o pandeiro e distintos ritmos.
- XABIER DÍAZ na súa web oficial tamén nos da unhas leccións de como tocar o adufe.
COMENTA
Cóntanos:
- Tocas o pandeiro cadrado?
- Gustaríache facer un caseiro?
- Estás aprendendo a tocalo?
Esperámoste nos comentarios.
Fontes documentais:
“Os Instrumentos musicais na Tradición Galega” de Pablo Carpintero
Guardar