Un Cativo amante da música
Esta historia comeza cun cativo, no lugar de Asados en Rianxo, que pasa o seu tempo entre a escola, a carpinteria de seu pai e xogando a sarcarlle notas as canas que atopa.
Pepe é un neno o que lle gusta moito a música.
E xunto co seu irmán, Alfonso, dende ben pequenos, andan a experimentar cos sons.
Por fin unha gaita de verdade
Vendo a afección destes rapaces pola música, os pais mercáronlles os instrumentos.
A súa apredizaxe foi autodidacta.
Daquela non tiñan un profesor que lles ensinara como facelo, así que todo era probar e probar…
Este xeito de aprendizaxe natural, sen guías, levou a que Pepe tocase a gaita do revés.
Él pon o fol debaixo do brazo esquerdo, e a man dereita na parte alta do punteiro e a esquerda abaixo… vamos…! ó revés do que fai todo o mundo.
E tendo Pepe doce anos xa forma un cuarteto de gaitas co seu irmán e dous veciños.
O grupo chamábase Airiños da nosa terra.
Neste tempo andan tocando e aprendendo polas festas da contorna.
Cando chegou o tempo de facer o servicio militar, o grupo desfíxose…
Os Rosales
Pero Pepe, en canto volta, forma un novo grupo, Os Rosales.
Neste grupo tamén está o seu irmán Alfonso.
O resto dos membros do grupo van cambiando por mor da emigración, a mili, o exilio ….
Con 23 anos Pepe casa coa señorita Ecléptica Órbita, máis coñecida como Maruxa, que por aquel entonces contaba con 19.
Sí… xa sei o que estas pensando…! pero que nombre é ese…? Ecléptica Órbita…?
Ela tamén pensou o mesmo cando foi facer o carné de identidade e descubriu que a inscribiran no rexistro con ese nome.
Maruxa cantaba nas fiadas. lavando a roupa, cando ía apañar herba … vamos…! cantaba para todo.
Un día, Alfonso, o irmán de Pepe, sofre un accidente e non pode tocar.
Teñen que buscar rápido un sustituto pois teñen compromisos que atender.
Pero non atopan homes que sepan tocar e que se poidan incorporar o grupo.
O nunca visto
Maruxa botáballes unha man nos ensaios. Se algún non podía ir, ela ocupaba o seu posto e ademáis coñecía tódalas cancións.
Así que decidiron que fora ela quen se incorporase ó grupo.
Dende logo era toda unha novidade que unha muller formase parte dun grupo de gaiteiros.
Pero Maruxa chegou para quedarse e para darlle un aire novo ós Rosales
Ela tocaba o bombo e cantaba.
E ademáis facía de mestra de cerimonias presentando as cancións do repertorio.
Maruxa gañouse o respeto e o cariño do público.
Todos querían contratar a aquel grupo que levaba unha moza entre os seus compoñentes…
Familia, música e tradición
Maruxa e Pepe eran pais, e se eles ían tocar, pois os nenos ían con eles.
Tiveron catro fillos que viviron dende pequeniños no ámbiente da música e tradición.
Maruxa formaba parte do grupo os Rosales pero a máis diso tiña que asumir o coidado dos nenos e da casa.
Como ela conta nunha entrevista, “Cando chegabamos pola noite, xa tarde, todos ían para a cama, pero eu tiña que lavar os traxes para a actuación do día seguinte…”
Tres dos fillos de Pepe e Maruxa, a medida que foron medrando, aprenderon a tocar e fóronse incorporando tamén ó grupo.
O éxito
Os Rosales foron un grupo innovador.
- Contaban cunha muller no grupo.
- Introduciron instrumentos novos como o acordeón e tamén usaron gaitas de distintas tonalidades.
- Tiñan un amplo repertorio, no que predominaban as pezas cantadas, e tocaban para que a xente bailase e cantase.
- O ser un grupo familiar tamén lles daba unha estabilidade e unha compenetración importantes.
Todos estes aspectos fixeron que o grupo tivera moito éxito e se mantivera tanto tempo.
Co auxe das orquestas e das bandas os gaiteiros foron perdendo terreo.
Mesmo un grupo como Os Rosales tiveron que loitar para sobrevivir.
Eles botaron mán de tódolos seus recursos para manterse o pé do cañón.
Tocaron por toda Galicia, por Portugal, Asturias, Madrid, Barcelona, a Expo de Sevilla e incluso foron a Bruselas onde percorreron tódolos centro galegos.
Os seus discos
Gracias o seu éxito ofrecéronlles a posibilidade de grabar este disco.
Os temas do disco:
LADO 1
- Os Rosales
- Na Eira
- Foliada de Carril
- A Camposa
- Lembrando (1ªparte)
- No Cruceiro Novo
LADO 2
- Ribeirana
- Lembrando (2ªparte)
- Garabullos de Ortigueira
- Río de Anxo
- Amor Rianxeiro
- O pau
Neste disco interpretan composicións de Xosé Romero (Pepe) con letras populares adaptadas por Maruxa Mínguez.
No ano 1996 fíxose unha reedición en CD.
Os temas do disco
- Roseiras
- Polca a Lioira
- Foliadas das Ameixas
- Muiñeira a Gatuxa
- Foliada dos Vellos
- Tuxeiriña
- Marcha procesional de San Pedro de Vilas
- Mazurca Agasallo
- Foliada dos Canteiros
- Latexo de paxaro
- Foliada do Muiño
O programa Alalá-Músicas completas dos Rosales
Tempo de parar
No ano 2003 o grupo deixa de actuar.
Maruxa e Pepe baixan o ritmo, pero siguen ensinando, compoñendo e tocando.
CÓNTANOS
Coñecías ó grupo Os Rosales?
Que che parece a súa historia?
Podes deixar a túa opinión máis abaixo, na caixa de comentarios.
Guardar