CATRO RAPACES
Olaia, David, Raquel e Alejandro son catro mozos amantes da música e o baile tradicionais.
Todos eles bailan e tocan nalgún grupo ou asociación das tantas que hai polo país.
AS DÚBIDAS
No seu contacto coa música e o baile, cos seus profesores, coas recollidas… foron surxindo moitas preguntas…
- Cal é a función social das músicas de raíz?
- Como evolucionou, neste últimos anos, o xeito de transmitir o noso patrimonio musical?
- Porque houbo unha ruptura xeracional
- Seguénse a perpetuar os roles de xénero?
- O xeito de ensinar hoxe condiciona a evolución da música?
- Hai novos camiños por explorar a partir do legado que nos deixaron?
- A quen pertence todo este patrimonio?
- Cal é o papel da administración?
Atoparon un baleiro e moitas preguntas por contestar…
Era preciso facer unha panorámica da música e o baile tradicional en Galicia e abrir un espazo de debate, feflexión e transmisión.
O proxecto PUNTO E VOLTA sobre a música e o baile tradicionais
Estes catro rapaces, ademáis de músicos tamén son xornalistas.
E desenvolveron o proxecto Punto e volta, un proxecto de investigación, que usando como ferramentas as novas tecnoloxías, tenta atopar respostas e abrir un debate ó redor da música e o baile tradicionais.
O xurado da bolsa Nacho Mirás para novos titulados de Xornalismo considerou que pagaba a pena financiar este proxecto.
E así comezaron a percorrer os pobos e lugares de Galicia na procura de respostas…
O PAPEL DAS NOVAS TECNOLOXÍAS
É ben certo que hoxe en día o mundo é máis pequeno.
Podes estar en calqueira parte do planeta nunhas poucas horas.
Pero incluso, sen sair da túa propia casa, através da rede, estás conectado con todos.
A semana pasada falamos de Dorothé Schubarth e de como recolleu máis de 5000 pezas por toda Galicia.
(Por certo, se ainda non o liches… podes facelo aquí ? O Cancioneiro Popular Galego de Dorothé Schubarth.)
A tecnoloxía da que ela dispoñía era, sen dúbida, moito máis rudimentaria da que temos hoxe en día.
O proxecto Punto e Volta bota mán das novas tecnoloxías, páxina web, facebook, youtube… coa importancia que estos teñen para a difusión, a achega do coñecemento e a participación de tódolos interesados na música e o baile tradicionais.
A web de PUNTO E VOLTA
Na web de Punto e Volta hai dúas seccións, por unha banda, as entrevistas e por outra, as pezas e os bailes.
As entrevistas
A recollida non se limita a grabar a peza… e xa está!
Hai un interés por coñecer as motivacións dos entrevistados para cantar e bailar, porque empezaron, quen lles ensinou, a quen ensinaron eles, porque deixaron de ensinar…
Podemos ver tamén ás distintas xeracións, cada unha contando a súa visión e as súas circunstancias.
As entrevistas son básicas para encontrar resposta a moitas das dúbidas plantexadas.
E ademáis… é moi lindo escoitalas…!
Estas son as pandereteiras de Anxeríz contando como intentaron ensinar ás fillas e ás netas
As Chispas de Compostela falando sobre os roles de xénero no baile
As pezas e os bailes
Aquí recóllense as pezas e os bailes que aportan os entrevistados para quen desexe velos, escoitalos e aprendelos.
Xurxo Fernándes e a Xota de Camariñas
Tocadoras da Pontragha – Ribeirana de Meirol (Mondariz)
ONDE PODES ATOPAR O PROXECTO PUNTO E VOLTA
Podes visitar:
- A súa web puntoevolta.com
- O seu facebook
- E a súa canle de youtube
Un proxecto que paga a pena dar a coñecer, así que xa sabes failles unha visita e comparte nas túas redes sociais.
QUE CHE PARECE?
Que che parece este proxecto?
Xa o coñecías?
Que opinas da situación do baile e a música tradicionais neste momento?